香港新浪網 MySinaBlog
« 上一篇 | 下一篇 »
J J | 19/01/14, 00:32 | 心思思,邊個知 ? | (7 Reads)

搭入2014年的頭半個月,我感到自己有點唔同。

我希望改善壞習慣。就從小習慣開始,話說我張書枱長年累月都勁亂,一有時間我就會執整齊佢,但不出幾日又會景況依舊,2014年開始我決定唔可以再比張枱亂,首先我每次放野係枱面,臨瞓前都逼自己放好佢,唔可以放過夜,持續2星期強逼自己咁做後,我開始習慣收拾好枱面的東西,每天見到整齊的枱面, 人都醒神點,我相信有條理的頭腦和生活要由小習慣出發!

下一目標是減少睇facebook和打機睇電視,放工後逼自己做有意義的活動,例如睇書、學英文、彈烏克麗麗、睇電影、銘想等,我覺得我太沉迷Facebook呢樣對我人生毫無意義的活動!

目標每星期/每天:

1。30分鐘運動

2。30分鐘英文/國語/手語

3。30分鐘烏克麗麗

4。30分鐘睇電影/打機 

5。30分鐘新聞 

6。12點30分前休息 

 嘩!要做到以上其實好難!但我相信睇少點Facebook and TV 就可做到!一步一步來!加油!

理財方面,唔知係咪受到小丸的影響,我愛上了儲蓄!

儲到錢帶比我無限安全感!比起買一個名牌手袋更有滿足感!雖然買樓的目標很遙遠,但我好想達到呢個目標,因為我想有一個自己的家(雖然我好享受現在被媽媽照顧的生活)所以我也不急於實現這個目標,就當是上天讓我可過多幾年無憂無慮被照顧的生活吧!況且我很珍惜和父母同住的日子,現在角色完全轉換,每天我都苦口婆心不准爸媽做這樣那樣,食這樣那樣,有時候都覺得幾攪笑!