屋企最近多左兩件東西
就係兩尾魚!!
品種不詳、年齡不詳...

其實本來有六尾o既
但好不幸死下又一條, 死下又一條
最後兩條饒幸生存至今，應該有成個月喇!!

人養魚我養魚
我每天起身, 每晚返屋企, 都會望一望佢地
正常應該係欣賞下佢游來游去的有趣樣子
不過我就經常潛意識睇下有冇魚反肚，剩番幾多條...

魚係唔識合埋眼訓架
佢地要休息就會係水底度飄浮, 有時慢慢咁游
一有風吹草動就會彈起身
成世魚都合唔埋隻眼, 訓又係咁, 食又係咁,

忽然覺得可以合埋眼攣係張床度大瞓特瞓好爽!
如果好似魚魚咁成世無覺好瞓, 諗起都好攰.....

不過, 係呢個moment 有句說話真係講得好岩!
子非魚, 焉知魚之樂呢~?

魚魚, 希望你福大命大
唔好咁早去搵你d 兄弟!