苦等多日~~~

正所謂.. 有血有汗!! 

影張相留念感動一刻先!!!

多謝啊肥!!!!! 做功課無左你點算啊!!!!!!!!!!!!!!!!!!!!!

P.S. 路還有一半.......................... OMG!!

捱夜皮膚係會極乾的, full 多多masks都唔掂~~....

今晚與一班舊同學見面
其實用舊同學呢個名詞實在有點怪怪的
因為我地雖然同一間學校上堂
不過係唔同級，而且回憶入面亦無任何學習和上堂的畫面
只有嬉喜玩樂說笑打波
容許我用"損友"吧~哈哈~
話說我學校出名校風純樸
做這些已是被標榜為頑皮學生的行為~~
現在回想其實並不是什麼十大惡行呢~
沒記錯的話，這種輕狂的日子大概維持一年多後
便因較高年級的要考會考而結束

數年後(想想應最少6年吧~)係海旁相遇
不至於人面全非~~全肥就有~哈哈
加上我是一個非常善忘的人，誰和誰的故事早已忘記得一乾二淨
難得好友還能把當中細節和人物關係娓娓道來!
聽番都覺得好笑~~

小聚後，想起呢首歌
其實好多事早已隨年月過去
無論還未放下的，還是期盼將來的~
祝福大家一切安好~~

會過去的

車：早知一定與你分手
最愛往往難以相廝守
愛過你之後 我怕沒然後

原來寂寞 沒有你的問候
用誰來平復也不夠
你似個最窩心的缺口

許：沒有這犧牲 怎可讓你我得救
每個劫數 時間會善後
以往那轟烈 漸漸會變溫柔

長年累月 就算你多念舊
明天一滴也不留
愛與痛 如昨夜喝的酒

車：從前共你講 不要分別 不要歸去
明明還流過一點眼淚
許：又再跟你相遇 跟你相對
為何完全已經能面對

車：最愛都會過去 都會散去
許：都會退去 既然難忘
合：為何連記得都太累
車：最痛都會過去 都會散去
許：都會退去 我們如何
合：仍然能活下去

車：往事就像是一道橋
許：你我會過去的 情懷不會倒退

許：沒有這犧牲 怎可讓你我得救
車：每個劫數 時間會善後
許：以往那轟烈 漸漸會變溫柔

車：長年累月 就算你多念舊
許：明天一滴也不留
合：愛與痛 如昨夜喝的酒

許：得到過 車：什麼
許：也要放下 車：什麼
合：即使你與我 苦或甜 有幾多

車：失去 許：什麼
車：誰能留戀什麼 許：太多
合：當天你說你會最愛我
他朝好好想清楚 只怕沒那麼多

合：從前共你講 不要分別 不要歸去
明明還流過一點眼淚
又再跟你相遇 跟你相對
為何完全已經能面對

車：最愛都會過去 都會散去
許：都會退去 既然難忘
合：為何連記得都太累
車：最痛都會過去 都會散去
許：都會退去 我們如何
合：仍然能活下去

車：往事就像是一道橋
許：你與我會過去的 情懷不會倒退

許：愛與恨 就像列車夜行
車：過去會過去的
合：當天你與我怎樣重視過誰和誰
在年月快線裡 都給壓碎

睇左一場好好睇的演唱會~~

一峰二汶好天氣~

演唱會真的應該廢除pong pong
其實平時都已覺覺地好擾人而且嘈吵
不過都會襯下熱鬧吹下

就係因為呢個演唱會無pong pong
令我有一次好特別的演唱會經歷!!

大家知道一峰二汶d 大部份係慢版情歌
佢地把聲又磁性又有感情, 加埋d 結他聲, 和唱,
最重要 : 無pong pong!!
有好幾首歌我以為自己身在文化中心聽音樂會
我們不用忙於打拍子 ( u know~ 有pong pong 時無論快歌定慢歌都會有人用黎打bit)
全場靜止，大家完全陶醉係歌詞與音樂之中
望住個台但其實個靈魂已飄走左~~
唱完個刻先醒番~~

感覺實在太美妙了~~~~
而且演唱的首首都係我好鍾意我好感動的!!!
如果草蜢係用魅力帶動全場觀眾瘋狂地忘我的話
咁一峰二汶岩岩相反，係用歌聲令人安靜地忘我

真羨慕作歌者可以用音樂、歌詞表達情感
話說一峰二汶認為佢地呢對土產全本地孕育歌手係香港創意產業的成功代表~
於是邀請左曾特首黎欣賞佢地的concert
曾特首當然無黎到啦
不過慶幸有佢地的歌，記錄我呢段青春的回憶~~
我相信到我60歲聽番都一樣回味的!!
就好似今時今日花師奶聽張偉文一樣回味~

1st 睇演唱會的partner
你的第一次幾美好丫~
那些醫生費~~抵俾啦!

真後悔無叫多D朋友一齊聽,
for those who never listen to their songs, my recommendations are:
一支煙的時間、今天應該更高興、離開，是為了回來、微涼、突然獨身、雪糕車、鞦韆、19
最難唱的情歌、好天氣、給最開心的人、女扮男生、始終一天、LOST IN L.A.、NEVER BEEN KISS BEFORE...................................

當然，第一次聽就愛上他和她的....

又一個天光~~

10月16日
我要完成呢個目標!!!!

YES~WE CAN!!!
保佑我不要病就好喇~~

屋企最近多左兩件東西
就係兩尾魚!!
品種不詳、年齡不詳...

其實本來有六尾o既
但好不幸死下又一條, 死下又一條
最後兩條饒幸生存至今，應該有成個月喇!!

人養魚我養魚
我每天起身, 每晚返屋企, 都會望一望佢地
正常應該係欣賞下佢游來游去的有趣樣子
不過我就經常潛意識睇下有冇魚反肚，剩番幾多條...

魚係唔識合埋眼訓架
佢地要休息就會係水底度飄浮, 有時慢慢咁游
一有風吹草動就會彈起身
成世魚都合唔埋隻眼, 訓又係咁, 食又係咁,

忽然覺得可以合埋眼攣係張床度大瞓特瞓好爽!
如果好似魚魚咁成世無覺好瞓, 諗起都好攰.....

不過, 係呢個moment 有句說話真係講得好岩!
子非魚, 焉知魚之樂呢~?

魚魚, 希望你福大命大
唔好咁早去搵你d 兄弟!

聽聞係今年最後一個颱風~
係的話本年度我最喜愛的夏天真真正正離我而去lu~
呼呼呼~
颱風吹走悶熱天氣!!吹走背心短褲!! 吹走石澳!! 吹走汗水!!

每逢打風都鍾意望街~
家住高層，打大風o既時候d橙色的街燈會閃下閃下~~好似燈飾咁~係好靚的~
何解呢?
唔係因為供電不穩定
而係樹木搖下搖下，係高空望落去佢地好似輪流閃下閃下咁的~
非常有趣~

打颱五步曲
1. 天文台宣佈將會掛8號時，老豆會好緊張咁打比啊媽好快放工問佢屋企有冇野食，
then啊媽又會好緊張打比我慌我顧住玩唔番屋企，then我又會好興奮咁打比我家姐同佢講好快有得放工....
2. 雖然颱風一般來得快去得快，但去超市入下貨儲下糧呢d老土動作係唔少得的~
花師奶話事齋 : 打風無2塊方包係屋企好似爭咁d 野咁.....(無point!! 但我同意....)
3. 將屋企的抽氣扇扎好
4. 細個必定會係鐵閘la or 窗口放膠袋放自製風箏，非常好玩!!!
家下極期量出走廊感受下強風打面的快感~
5. 期待明早起身返學前宣佈全港學校停課~yeah!

維他奶stand by me廣告系列 - making of + 足本廣告

每次都會吸引我眼球的廣告，
歌曲很悅耳，沒用上大明星的面孔
反而選擇一班笑容清新，樣子討好的廣告演員
拍攝的地點很配合廣告強調的親切感覺
雖然場景不斷跳躍，但由於剪接得宜，所以仍能捉緊每一刻的重點
一首歌每一句都由不同聲音演譯而且聽起來不會雜亂無章實在很難啊

其實只差一點點! 這個廣告便會老土極
幸好有出色的製作團隊準確掌握維他奶的親切和與香港人一同成長旳形像~
與劉華級的飲品廣告有很強的對比呢
星級的演員、拍攝場地、歌曲，配合全天候的宣傳攻勢
我還是較喜愛維他奶的實而不華~
stand by me!~

新疆最近局勢不穩，又與傳媒發衝突
我為這片給我留下美好印象的地方著緊~

她本來就是我中國內一個佷特別的地方啊
爽口多汁的哈蜜瓜、漂亮的飾物、傳說中的火焰山、偉大古文明坎兒井
天山天池、交河故城、千佛洞、特殊的地理環境
回教特色的建築物, 街上迎面而來的不是熟悉的漢族臉孔,
而是鼻高、眼窩深、皮膚偏黑，有不同的宗教信仰和生活習慣的維族人，
操一口流利普通話
彼此在同一片國土上以中國人的身份生活

走進大巴扎，我才是當中的少數民族
在餐廳享用維族晚餐，響起民族音樂，一起瘋狂地跳民族舞
睇看維族與漢族人雖然不多交流
但感覺仍很和平、融洽

難忘的還有新疆教育局的熱情招待
老師安排給我們的行程都是最好玩最有特色
而且無微不至的照顧我們，滿足我們的慾望
因為有他們的接待，令我們為這地方留下深刻的印象
他們真是最好的旅遊大使~

我相信大部份維族和漢族人也是互相尊重的
我相信新疆人熱愛和平的
我相信有製造社會混亂只是很少很少部份的人

真希望動蕩可快點平息
讓更多人可了解這片美麗的土地~

(密碼=我的屋企電話號碼)

終於開始正常上學生活
開學象徵新開始, 可是同學們都不約而同倒數著每份功課的deadline
也盤算著搵工事宜
這個course也夠怪雞

最近在看一本由薛俊良所著的「思維鍛煉法」
看似悶透的題目，可是看完第一章後，引起我無窮興趣
原來我是多麽不認識自己的腦袋、思考方法和步驟
一直以來過於唯心地判斷不同事物
可是感覺永遠是飄忽、搖擺
要有更準確判斷、更清晣思維，應學習更多角度的思考方法(<<老生常談啦!!)
可是掌握思考方法不同其他訓練, 不會有一套教學方法
而是透過不同例子，反覆觀察，反覆練習，反覆思考
然後選擇最適合自己的思考方法
書裏有很多例子和精警的句子，
好像有一個老師跟你說話
說穿你的弱點令你想追看下去尋找解決方法

最頂癮之處在於作者不建議讀者一口氣看完整本書，
應邊看邊觀察邊應用，按步就班尋找適合自己的~
好心急喲~

明明寫blog就是想講講塔羅嘛

今晚與友人突發玩塔羅
人有點迷失的時候原來真係咩都想試下~
要是不沉迷, 作為一個提示和指引也不錯呢