病毒正在變種

人。也在變質嗎?

還是世界沒變，變的是自己?

再次面對同樣問題

戰戰競竸

我該何去，何從....?

乏力....

呢幾日的天氣可謂非常惡劣
global warming!!!
終於忍唔住開左冷氣
因為聽日要去行山，會熱足成日
地球先生讓我自私一晚吧!!! 涼個飽讓明天盡情乾煎~~~ 

襯青春的激情還在~
給自己三個月時間~

"暑天該很好。你若尚在場"

明日領航者計劃2009聽日正式開始喇!~~~

心情 : 平靜中帶點煩惱
精神 : 一般
思緒 : 混亂
信心 : 良好

明年唔知仲可唔可以誓師前同大家一同衝喇!
要好好享受今年!

有一個有意義又好玩ge暑期活動

學友社 - 明日領航者計劃2009

係一個比機會你提升個人潛能、認識和體驗社會、加強對中國認識ge暑期活動!!! 內容包括訓練營、工作坊、社會實習計劃、內地考察交流等等等~~~除此之外，仲可以認識到好多新朋友架!!

保證你有一個難忘而獲益良多ge暑假~!!
我都係呢個活動ge前參加者~
呢個活動擴闊左我ge眼光，而及識到好多好多朋友~~
所以我依家仲係學友社幫手籌備呢個活動
希望令更多同學受益!!

如果你地想同一樣有一個與別不同的暑假~
請上 http://www.hyc.org.hk/navigator 報名參加啦!!
2009年5月25日就截止架喇~

再體驗有幾好玩!! 請即看以下活動精華短片啦!

今日等巴士的時候
見到一隻曱由係馬路上好徬徨咁爬下爬下
觀察左一陣之後，我發現佢應該係度搵緊坑渠捐~
呢個時候，交通燈轉綠
一架又一架九龍巴士，紅色的士，貨車，密斗車飛過~
曱由臨危不亂
停係路中心，或者等待死亡，或者等待偷生的機會
我站在一旁靜靜觀察，一邊好想一睇車轆輾過曱由的場面
一邊有點緊張，如果真係輾過，曱由汁液濺向我的機會有多大....

就這樣，交通燈轉紅
曱由執番身彩，於是繼續找逃生門
有幾次逃生門就在幾個曱由身位之差
以為逃之夭夭便沒好戲看~
點知呢隻冷靜的曱由好似未知第二次死亡之旅快要來臨
在坑渠口附近轉左個髮夾彎~~
又一次迎接經過綠燈的車
我想在牠的角度看馬路上的車比人看到恐龍還要震撼!!

這次我居然替這隻小曱由著緊
深怕那大車的車輪真的要輾過牠
幾個驚險鏡頭後
小曱由安然無恙
嚇破瞻後回光反照，忽然找到之前錯失了的出口
返回坑渠繼續尋歡作樂。

曱由，你是全世界最可惡的生物!!
外型和習性你都不討好!!
只要我一想像你的模樣我便全身不安~
今晚我居然因為你的英勇表現而起了點點同情之心
求你以後別再惹我了~

議員的舉動難免令我感到是一場有組織有預謀的行動
還有個多月便是七。一回歸
不過自2003年起七。一不只是個慶祝回歸的假期般簡單
更是每年反映香港市民對特區政府滿意度的成績表
今天這樣一來，正正打響了議員們的如意算盤吧

不過... ... 曾特首啊
你的回應也相當爛吧?
領袖才能一欄中的口才，你得到一隻黑豬仔
議員的提問也不難預料丫
真的從沒為六四立場的提問準備過嗎?
如果剛才的回答是準備過的model answer的話
你大可以大刀闊斧把你的寫手開除
從你最後的表情，我深深感受到...你打呢份工做唔好，更是吃力不討好

睇完呢個片段...
為香港有一班咁ge議員和咁ge特首感不禁搖頭嘆息
試問咁樣落去..
香港未來的路仲可以點走下去?
我可以做到d 乜?...

初夏的天氣稍稍降臨
又到了收起冬天衣服的時候
"咦?乜原來今年冬天買左呢件衫? 都無乜點著過tim, 留番出年啦"
有入有出，輪到夏天的tee裇短褲小背心出場
闊別幾個月，都忘記了自己買過咩衫lu~

早晚涼浸浸，中午微熱且陽光充沛~~
著薄薄的衣服最適合!
如此美好的天氣令我好有做運動的衝動
於是今日約左queenie一齊去游水
可惜萬事俱備，只欠泳池
我地做好一切心理生理準備去迎接本年度下水禮
估唔到去到九龍公園泳池會摸池釘!
真係笑死...又激死

不過我地經過八日ge親蜜相處
呢d突發事件當然唔會難到我地
我們利用了五分鍾做了乾淨利落地做了決定
先評估了去游水的可能性
計過坐車去到又要錢又要時間~搏唔過!
於是好快諗到subsitute~~打羽毛球!
總之就要做運動出汗，然後沖個靚涼!!
仲有5分鍾11點!~有場!~有拍有波借!very good!!
轉軚180度打羽毛球去!
於是毫無心理準備下即興打波
最緊要大家也很滿意!!yeah!

當然，游水呢壇野唔會就咁算!
過2日! 再去!!! 哼!

p.s. 媽咪話, 以前的夏天，無溫室效應無拉尼娜無冷氣無污染
夏天的晚上就係如今晚陣陣涼!!
所以以前唔開冷氣都得!

夏天的香港越黎越唔適合人居住
是地球先生的控訴~~
支持環保~yeah!

過了一個特別的復活節
從前的復活節都不怎麼特別的，相信不是趕功課就是溫習吧!
今年復活節難得與家人外遊
原來對上一次一家四口外遊已是1999年的事
那年我們去了台灣，還遇上香港機場華航反機事件
在機場滯留了一天，記憶猶新，轉眼十年!!

雖然是一年半內第四次到北京旅遊，但是只要與家人一起永遠也是賞心樂事!!
而且沒有帶團的壓力~~ 自由自在，旅程上一直有李美掌管一切貴重物件與證件
有杜金拎晒所有隨身行李，想影相有家姐，
我只是兩"就"清風地胡亂逛~~~~好幸福啊!!!

春天的北京天氣極好!! 早上溫暖有陽光，入夜後清風送爽
而且春天花開，到處的花也開得很燦爛~心曠神怡~~
最興奮係酒店坐落奧林匹克公園旁邊，
在酒房內不用看電視解悶~攤在床上看發光的水立方已夠娛樂性~~真的!

  天壇!!! 第一次來，很神聖! 很宏偉!
 
   老豆完成心願，爬了長城做好漢!

  未見過一棵樹可以有咁多花，好似假咁架! 北京的藍天!! 不過轉個頭被沙塵暴染灰了!

   大家一致投票我最喜愛的現代北京建築!
 
酒店房間窗外景色，無諗過有一天可以望住水立方沖涼!!!! chi sin!

剛剛睇完中學同學的結婚相
很難想像相中那明艷動人的新娘子與腦袋中那個常常托起眼鏡，然後斯文含蓄地笑的是同一人!!!

歲月流逝的見證啊!!
因為她我打開相簿，找到熟悉的臉孔~
才不過八年!!相信八年前，一班女生在班房談論誰會先結婚誰會先生小孩的那刻
連她也沒想過是自己呢!!
可惜畢業後再沒聯絡，結婚的消息也是從朋友口中得知
只能在網上簡單留下幾句祝福，表遠替她興奮、替她高興的感覺!!!

再在相簿翻兩翻~看看自己呢~
仍是中學時代癲癲喪喪的模樣
我會一直癲喪下去嗎?
直至有一天我要面對工作壓力、要照顧家庭、要結婚、要生小孩....
我還是會嘻嘻哈哈又一天嗎?

人生際遇真的很奇妙~
期待另一階段的來臨